您所在的位置: 主页 > W易生活 >九龙之巅-飞鹅山

九龙之巅-飞鹅山

  • 浏览量315
  • 点赞量236
发布于:2020-06-16

 

讲起香港既高山,或者唔少人都会谂起大帽、大东同凤凰,因为呢三座係香港境内唯一高过800米既山峰。但如果分地区黎计算,九龙範围内最高既山係飞鹅山。飞鹅山高603米,于山上,能够睇到整个东西九龙,以及将军澳北同白沙湾既景色。值得一提既係飞鹅山既英文名係Kowloon Peak,比起中文名,似乎更加能反映此山为九龙之巅既特点。

 

交通:喺九龙湾乘搭1A小巴,于德望学校落车。(前往方法众多,详尽资料请Google~)

 

上山过程中,睇到既风景总係会越黎越广阔。

今次首先係东九龙一带既景色。

 

将镜头左移,就会见到将军澳北既景色。

 

而再往左睇,就可以远眺到白沙湾既景色。(影既时候被树枝挡住左sosad)

 

当继续上山时,就会到达出名既自杀崖。

 

到达自杀崖之后,整个九龙半岛都能够尽收眼帘。

 

往山上进发。

直至睇见呢个发射站,就表示你已经到达九龙既最高峰,飞鹅山顶。

 

除此以外,当日我仲见到◢ 同 ▉ 既追逐故事。

 

仲有。

 

 

 

 

最后,附送上山时捕获既野生小猪一只~

 

最后几句。呢排听讲多咗人上大东山,但同时,山上既垃圾因为多咗人同部分人既唔自律而增加…(相关新闻:大东山垃圾处处 你忍心我们的郊野变成如此吗?)

虽然多咗人上山,自己会好开心,因为表示更加多人认识同欣赏香港繁华既另一面,但若然代价係对自然环境既破坏,咁我宁愿少啲人认识呢啲地方。香港係弹丸之地,每样野好都宝贵,特别係自然既环境,无咗就係无咗。如果大家继续唔爱锡呢啲仅余既地方,下一代既香港,就只会见到石屎森林同一个个垃圾山头。

下一次去行山,大家一定要做一个负责任同爱环境既行山友同影友呀!

 

摄于 2014.12.21 @ 飞鹅山

 

|Dorason Photography

Blog

 

后记:

今次特别试下全程用广东话打文章,一路打字,感觉似同紧另一个人对话咁

我谂,呢个係作为母语既厉害之处~

    相关推荐